Leschten Donneschden ass eng kleng Equipe vum CISDipp op Morscheid gefuer, fir mat den Pompjeeskomeroden een flotten Nomëtteg ze verbréngen. D'Morscheider Pompjeeën, déi een vun zwee Partnercorpsen vun den Pompjeeën aus der Gemeng Dippech sinn, invitéieren all Joer op hiren traditionellen Vatertag. Mir soen hinnen Merci fir d'Verfleegung an déi gutt Stëmmung.

Leschten Freiden kruten d'Pompjeeën aus der Gemeng Dippech flotten Besuch vun enger Crèche vun Dippech. Déi kleng Butzen hunn déi grouss rout Gefierer mat groussen An gekuckt an konnten och mol dat een oder aner d'Stéck Gezei uprobéieren. Nodeems nach puer Fotoen gemaach goufen, hunn d'Kanner den Pompjeeën nach een schéint d'Bild geschenkt. Mir soen der Crèche Spillkëscht & Crèche Pirateschëff villmools Merci fir d'Bild an wäerten eng schéin Platz bei eis am Bau fr d'Bild fannen.

Nodeems insgesamt bal 15 Joer um Dossier neien Asazzenter fir Pompjeeën aus der Gemeng Dippech geplangt an ausgefouert gouf, ass leschten Freiden den neien Zenter zesummen mam neien Gemengenatelier ageweit ginn.

Eng sëllechen Invitéeën, dorënner Vertrieder vun den Nopeschgemengen an Nopeschcorspen, esou ewéi och den Direkter vun der ASS an den Inneminister Dan Kersch, haten den Wee op Dippech fonnt fir dëst Evenement mat den Pompjeeën an der Gemeng Dippech ze féieren.

Nodeems Mme Buergermeeschter, d'Vertrieder vum techneschen Déngscht vun der Gemeng Dippech, ewéi och eisen Kommandant an den Inneminister e puer Wuert zur Entstehung an der Ausféierung vum Projet gesot hunn, gouf den neien Asazzenter mat engem symboleschen Schnatt duerch een Pompjeesschlauch offiziell ageweit. Dono hunn eisen Kommandant an Ënnerkommandant d'Éieregäscht duerch den neien Asazzenter gefouert, wou hinnen all déi wichteg Saachen gewisen an erkläert goufen.

Immens hunn eis Leit sech iwwer den Besuch vun eisen Pompjeeskomeroden vun Morscheid gefreet. Dës sinn mat enger Delegatioun vun 16 Leit, dorënner och e puer Jugendpompjeeën op Dippech komm. Wéi dat esou ënner Kollegen üblech ass, bréngt een op esou Evenementer och een klengen Cadeau mat an esou hunn si, genee wéi d‘Bettener Pompjeeën bei der Aweiung vum Morscheider Gerätehaus am Joer 2000, eng Lann matbruecht. Dëse Bam gouf zesummen mat der Buergermeeschtesch virum neien Asazzenter geplanzt.

Nodeems den Beemchen gesat war an et dobaussen däischter ginn ass, gouf et nach deen een oder aneren Patt am Openthaltsraum vum neien Zenter. Mir soen all den Leit Merci déi bei der Realisatioun vun dësem Projet dobäi waren, virun allem och dem Raymond Bausch deen dës Feier mat e sëllechen Fotoen festgehalen huet, an hoffen dass eis Memberen ëmmer nees Gesond a Monter vun hiren Asätz an hiren neien, modernen an zäitgeméissen Zenter zeréck kommen.

Ewéi all Joer hunn sech och dëst Joer d'Pompjeeën aus der Gemeng Dippech zu Dippech am Bësch getraff fir zesummen een Meekranz ze maachen. Nodeems d'Jugendpompjeeën zesummen mat deenen groussen Pompjeeën d'Kränz gebonnen haten, gouf et een gudden Wirtschen mat Sauerkraut fir den klengen Honger. Duerno si mir een Meekranz bei eis Buergermeeschtesch ophänken gaangen an hunn och de de Café um Bur zu Betten op der Mess net vergiess. Mëttes gouf am Pompjeesbau gegrillt an den Dag an Rou auskléngen gelooss. Mir soen eiser Buergermeeschtesch an dem Café um Bur Merci fir Verfleegung an de Patt an freeën eis op d'nächst d'Joer.

Den Mëttwochmoien, 26.04.17, um 10 Auer hunn d'Pompjeeën aus dem Zenter Dippech mat den Kollegen vun Mamer eng Evakuatiounsübung an der Crèche "Kannernascht" zu Dippech duerchgefouert. Nodeems d'Leit aus dem Zenter nees vum Accident, deen sech Moies kuerz virun hallwer 9 zougedroen huet, zeréck waren sinn Sie op Dippech bei d'Crèche gefuer. Bei der Arrivée vun den Pompjeeën stoungen d'Kanner mat hiren Educatricen schonn virbildlech virun der Dier bei hirem sougenanntenen "Point de Rassemblement'". D'Ziel vun der Übung war ënnerenaner d'Accessibilitéit vum Gebai mat enger Dréileeder ze iwwerpréiwen. Dëst gouf mat der TLK 23-12 vum Mamer Asazzenter duerchgefouert. An dem Sënn soen mir hinnen Merci fir hier Presenz. No enger Erfollegräicher Übung soen mir der Crèche, ewéi och den Kollegen vun Mamer Merci fir dëst flott Übung.